 Members
Login |
| |
|
| Entstowwe
- 1036 |
|
Geformaliniseerde, aluminiumhidroksied gel geadsorbeerde
toksoïed-bakterien van Staphylococcus aureus en geselekteerde
serotipes van Pasteurella haemolytica vir die immunisering
van ooie teen blou-uier.
Bewaar die entstof
by 'n temperatuur van 4 °C tot 8 °C, in 'n yskas.
Moet nie die entstof na die vervaldatum wat op die bottel
gedruk is gebruik nie.
AANBEVELINGS
VIR GEBRUIK
Blou-uier van skape is normaalweg 'n akute mastitis wat
onder verskillende omstandighede voorkom en
deur 'n verskeidenheid van bakterieë veroorsaak word.
Die belangrikste hiervan is Staphylococcus aureus
en sekere serotipes van Pasteurella haemolytica. Aangesien
alle serotipes van P. haemolytica nie in die
entstof ingesluit kan word nie, sal dit nie in alle gevalle
doeltreffend wees nie. Onder sulke omstandighede moet
'n veearts geraadpleeg word.
Die immuniteit wat verwek word is nie besonder goed nie
en daar moet dus nie op die entstof alleen
staatgemaak word om die toestand te beheer nie. Epidemiologiese
beginsels en higiëniese maatreëls
moet gelyktydig toegepas word en 'n veearts moet ook hieromtrent
geraadpleeg word.
WAARSKUWINGS
Moet nie diere binne
7 dae na inenting vir menslike verbruik slag nie.
Slegs gesonde diere moet ingeënt word.
Hou buite bereik van kinders, oningeligte persone en diere.
Hanteer dragtige ooie met sorg.
Alhoewel hierdie produk breedvoerig onder 'n wye verskeidenheid
van toestande getoets is,
mag dit faal as gevolg van verskeie redes. Indien dit
vermoed word, raadpleeg 'n veearts en
verwittig die registrasiehouer.
GEBRUIKSAANWYSINGS
Gebruik slegs soos voorgeskryf.
Steriliseer spuite en naalde deur dit vir ten minste 15
minute in water te kook. Moet nie ontsmettingsmiddels
of brandspiritus gebruik om spuite en naalde te steriliseer
nie. Gebruik sover moontlik 'n steriele naald vir elke
dier.
Skud die bottel goed voor gebruik. Vermy blootstelling
aan hoë temperature en direkte sonlig gedurende inenting.
Ooie wat vir die eerste keer ingeënt word moet 2
inspuitings ongeveer 6 en 2 weke onderskeidelik voor lamtyd
gegee word. Hierna is 'n enkele versterkingsinspuiting
2-3 weke voor lam gedurende elke daaropvolgende dragtigheidsperiode
voldoende.
Dit word aanbeveel dat die inspuitings agter die blad
teen die borskas toegedien word ten einde
toediening te vergemaklik en hantering van dragtige ooie
te beperk.
DOSIS: 2 ml onderhuids.
UITWERKING VAN DIE ENTSTOF
Enkele diere mag soms in uitsonderlike gevalle skokreaksies
toon na toediening van die entstof.
Dit is dus raadsaam om eers 'n paar ooie in te ent en
hulle vir 30-60 minute dop te hou voordat
die hele kudde ingeënt word. 'n Matige reaksie kan
by die inspuitplek ontstaan maar dit verdwyn na 'n paar
dae en slegs 'n klein harde knop mag bly voortbestaan.
Immuniteit kan egter nie in alle diere gewaarborg word
nie.
VERPAKKING
Beskikbaar in bottels van 50 dosisse. |
|
|
|
