Geformaliniseerde aluin-gepresipiteerde toksoïed van Clostridium perfringens (welchii) tipe D vir die
immunisering van skape en bokke teen bloednier.

Bewaar die entstof by 'n temperatuur van 4 °C tot 8 °C, in 'n yskas.
Moet nie die entstof na die vervaldatum wat op die bottel gedruk is gebruik nie.

AANBEVELINGS VIR GEBRUIK
Lammers kan vanaf 4-5 maande ouderdom of selfs vroeër geïmmuniseer word indien hulle op 'n jong
ouderdom gespeen word. Die beste immuniteit word verkry wanneer diere eers met die olie-emulsie entstof ingespuit word en 'n tweede inspuiting van die aluin-gepresipiteerde entstof 4-6 weke daarna toegedien word. Indien lammers jonger as 4 maande ingeënt word, moet 'n versterkingsinenting van die aluingepresipiteerde entstof 6-8 maande later toegedien word. Hierna moet 'n skraaginspuiting van die aluingepresipiteerde entstof jaarliks toegedien word.

LW: Lammers jonger as 2 maande en diere in swak kondisie, wat met interne parasiete besmet is of wat
aan ander siektetoestande ly, sal nie goed immuniseer nie. Dragtige ooie kan wel met veiligheid met
die entstof ingespuit word.

WAARSKUWINGS
Moet nie diere binne 7 dae na inenting vir menslike verbruik slag nie.
Slegs gesonde diere moet ingeënt word.
Hou buite bereik van kinders, oningeligte persone en diere.
Alhoewel hierdie produk breedvoerig onder 'n wye verskeidenheid van toestande getoets is, mag
dit faal as gevolg van verskeie redes. Indien dit vermoed word, raadpleeg 'n veearts en verwittig
die registrasiehouer.

GEBRUIKSAANWYSINGS
Gebruik slegs soos voorgeskryf.
Steriliseer spuite en naalde deur dit vir ten minste 15 minute in water te kook. Moet nie ontsmettingsmiddels of brandspiritus gebruik om spuite en naalde te steriliseer nie. Gebruik sover moontlik 'n aparte naald vir elke dier. Vermy blootstelling aan hoë temperature en direkte sonlig gedurende inenting. Dien die entstof onderhuids toe in die lies of agter die blad. Skud die bottel goed voor gebruik.

DOSIS: 1 ml onderhuids
KOPPELING AAN OUTOMATIESE SPUIT VIR 500 DOSIS VERPAKKING
1. Koppel die ingeslote toedieningsbuis aan 'n outomatiese spuit.
2. Perforeer die rubberprop van die entstofbottel met die steriele naald van die outomatiese spuit.
3. Druk die pen van die toedieningsbuis deur die geperforeerde rubberprop.
4. Hang die entstofbottel met behulp van die ingeslote plastiese tou oor die skouer.

UITWERKING VAN DIE ENTSTOF
Die entstof veroorsaak bykans geen reaksie nie behalwe dat 'n klein harde knoppie by die inspuitplek mag
ontwikkel. Immuniteit ontwikkel ongeveer 10-14 dae na die tweede inspuiting en beskerm die diere vir 1 jaar of langer maar kan egter nie in alle diere gewaarborg word nie.

VERPAKKING
Beskikbaar in bottels van 100 en 500 dosisse.