‘n Olie-emulsie van formalien-geïnaktiveerde Campylobacter fetus venerealis en Campylobacter fetus
intestinalis bakterieë vir die voorbehoedende immunisering van verse en bulle teen bees vibriose.

Bewaar die entstof by 'n temperatuur van 4 °C tot 8 °C, in 'n yskas.
Moet nie die entstof na die vervaldatum wat op die bottel gedruk is gebruik nie.

AANBEVELINGS VIR GEBRUIK
Verse en bulle moet ses tot agt weke voordat die teelseisoen begin geïmmuniseer word. ‘n Enkele jaarlikse
versterkingsinspuiting moet vier weke voor elke daaropvolgende teelseisoene gegee word. In kuddes
waar ‘n onvrugbaarheidsprobleem reeds bestaan kan dit ook aan ander oorsake te wyte wees bv.
trichomoniase. Boere word gevolglik aangeraai om die diagnose deur ‘n veearts te laat bevestig.
Die entstof mag besmette bulle genees maar sal in verse nie besmetting voorkom nie maar wel resorpsie
van die embrio verhoed en daardeur die kalfpersentasie verhoog. Dit sal egter nie in alle diere noodwendig absolute immuniteit teweeg bring nie.

WAARSKUWINGS
Moet nie diere binne 7 dae na inenting vir menslike verbruik slag nie.
Slegs gesonde diere moet ingeënt word.
Hou buite bereik van kinders, oningeligte persone en diere.
Diere wat voorheen met olie-basis produkte ingespuit was mag 'n reaksie ontwikkel by die
inspuitplek.
Alhoewel hierdie produk breedvoerig onder 'n wye verskeidenheid van toestande getoets is,
mag dit faal as gevolg van verskeie redes. Indien dit vermoed word, raadpleeg 'n veearts en
verwittig die registrasiehouer.

GEBRUIKSAANWYSINGS
Gebruik slegs soos voorgeskryf.
Steriliseer spuite en naalde deur dit vir ten minste 15 minute in water te kook. Moet nie ontsmettingsmiddels
of brandspiritus gebruik om spuite en naalde te steriliseer nie. Gebruik sover moontlik 'n afsonderlike
steriele naald vir elke dier.
Die entstof is ‘n olie-emulsie en is nie geredelik vloeibaar wanneer dit koud is nie. Laat die entstof vir
‘n rukkie by kamertemperatuur staan totdat die olie vloeibaar is en skud die bottel baie deeglik.
Gebruik ‘n betreklike groot naald om die entstof op te trek. Dit is verkieslik om die entstof agter die
skouerblad of aan die kant van die nek, toe te dien. Elke dier moet twee onderhuidse inspuitings met
‘n tussenpose van vier weke gegee word. ‘n Enkel versterkingsinspuiting moet vier weke voor elke
daaropvolgende teelseisoen gegee word.

DOSIS:
Verse 2 ml onderhuids.
Bulle 5 ml onderhuids.

UITWERKING VAN DIE ENTSTOF
Die entstof sal 'n plaaslike swelsel veroorsaak veral na toediening van die tweede inspuiting. Hierdie
swelsel sal egter mettertyd verdwyn mits die nodige voorsorgmaatreëls getref is om die inspuiting asepties toe te dien.
Immuniteit kan egter nie in alle diere gewaarborg word nie.

VERPAKKING
Beskikbaar in bottels van 10 ml en100 ml.