Geformaliniseerde alumuniumhidroksied gel geadsorbeerde anakultuur van Clostridium septicum vir die
immunisering van skape, bokke en beeste teen Cl. septicum-besmettings (kwaadaardige edeem).

Bewaar die entstof by 'n temperatuur van 4 °C tot 8 °C, in 'n yskas.
Moet nie die entstof na die vervaldatum wat op die bottel gedruk is gebruik nie.

AANBEVELINGS VIR GEBRUIK
Cl. septicum veroorsaak wondinfeksies in skape en is ook sporadies verantwoordelik vir kwaadaardige
edeem in skape en beeste. Dit is baie moeilik om 'n besliste diagnose te maak en die hulp van 'n veearts
behoort ingeroep te word.
Na gelang van omstandighede en die voorkoms van die siekte kan diere op enige ouderdom vanaf
twee weke ingeënt word. Elke dier moet aanvanklik twee onderhuidse inspuitings met 'n tussenpose van
vier weke ontvang en daarna moet 'n jaarlikse versterkingsinspuiting toegedien word.
Op plase waar wondbesmetting in skape algemeen is, moet skape 3–4 weke voor skeertyd ingeënt
word.

WAARSKUWINGS
Moet nie diere binne 7 dae na inenting vir menslike verbruik slag nie.
Slegs gesonde diere moet ingeënt word.
Hou buite bereik van kinders, oningeligte persone en diere.
Moet nie binnespiers ingespuit word nie — gee binnespierse letsels.
Alhoewel hierdie produk breedvoerig onder 'n wye verskeidenheid van toestande getoets is,
mag dit faal as gevolg van verskeie redes. Indien dit vermoed word, raadpleeg 'n veearts en
verwittig die registrasiehouer.

GEBRUIKSAANWYSINGS
Gebruik slegs soos voorgeskryf.
Steriliseer spuite en naalde deur dit vir ten minste 15 minute in water te kook. Moet nie ontsmettingsmiddels of brandspiritus gebruik om spuite en naalde te steriliseer nie. Gebruik sover moontlik 'n aparte naald vir elke dier. Skud die bottel goed voor gebruik. Vermy blootstelling aan hoë temperature en direkte sonlig gedurende inenting.

DOSIS:
Skape en bokke: 2 ml onderhuids.
Beeste: 5 ml onderhuids.

UITWERKING VAN DIE ENTSTOF
Feitlik geen reaksie word veroorsaak nie, maar 'n klein plaaslike swelsel mag voorkom op die plek waar
die entstof toegedien is. Immuniteit ontwikkel ongeveer twee weke na inenting en beskerm die diere vir
nege tot 12 maande maar kan egter nie in alle diere gewaarborg word nie.

VERPAKKING
Beskikbaar in bottels van 100 ml.