Die entstof is ‘n kombinasie van geformaliniseerde aluminiumhidroksied gel geadsorbeerde toksoïede
van Clostridium chauvoei, Cl. novyi A en Cl. septicum vir die immunisering van beeste en skape teen
gasgangreen kompleks.

Bewaar die entstof by 'n temperatuur van 4 °C tot 8 °C, in 'n yskas.
Moet nie die entstof na die vervaldatum wat op die bottel gedruk is gebruik nie.

WAARSKUWINGS
Geen onttrekkingsperiode na inenting word voorgeskryf nie.
Slegs gesonde diere moet ingeënt word.
Hou buite bereik van kinders, oningeligte persone en diere.
Moet nie binnespiers gespuit word nie.
Gebruik al die entstof na opening van die houer of vernietig ongebruikte entstof.
Moenie gebruikte houers stoor vir toekomstige gebruik nie.

VOORSORGMAATREËLS
Moet nie met ander entstowwe meng nie.
Alhoewel hierdie produk breedvoerig onder 'n wye verskeidenheid van toestande getoets is,
mag dit faal as gevolg van verskeie redes. Indien dit vermoed word, raadpleeg 'n veearts en
verwittig die registrasiehouer.
Maak seker dat slegs steriele spuite en naalde gebruik word vir enting.
Tref aseptiese voorsorg.

GEBRUIKSAANWYSINGS
Gebruik slegs soos voorgeskryf.
Op plase waar wondbesmetting in skape algemeen is, moet skape 3 - 4 weke voor skeertyd ingeënt
word. Na gelang van omstandighede en die voorkoms van die siekte kan diere op enige ouderdom
vanaf 2 weke ingeënt word. Elke dier moet aanvanklik 2 onderhuidse inspuitings met ‘n tussenpose van
4 weke ontvang en daarna moet ‘n jaarlikse versterkingsinspuiting toegedien word.
Steriliseer spuite en naalde deur dit vir ten minste 15 minute in water te kook. Moet nie ontsmettingsmiddels
of brandspiritus gebruik om spuite en naalde te steriliseer nie. Gebruik 'n afsonderlike naald vir elke
dier.
Laat die entstof toe om geleidelik kamertemperatuur (20 - 25°C) te bereik voor gebruik. Skud die bottel
goed voor gebruik en met gereelde tussenposes tydens gebruik. Vermy blootstelling aan hoë temperature
en direkte sonlig tydens enting.

DOSIS:
Beeste 5 ml onderhuids.
Skape 2 ml onderhuids.

UITWERKING VAN DIE ENTSTOF
Feitlik geen reaksie word veroorsaak nie, maar 'n klein swelsel mag voorkom op die plek waar die entstof
toegedien is.
Immuniteit ontwikkel ongeveer twee weke na die tweede inenting en beskerm die diere vir ongeveer
9–12 maande maar kan egter nie in alle diere gewaarborg word nie.

VERPAKKING
Beskikbaar in bottels van 20 en 100 bees- of 50 en 250 skaapdosisse.